တောင်ကြီး တန်ဆောင်တိုင်မီးပုံးပျံပွဲတော်လုံခြုံရေး ယခင်နှစ်များထက် တင်းကြပ်မည်

တောင်ကြီး တန်ဆောင်တိုင်မီးပုံးပျံပွဲတော်လုံခြုံရေး ယခင်နှစ်များထက် တင်းကြပ်မည် Writen by တောင်ကြီးတန်ဆောင်တိုင်မီးပုံးပျံပွဲတော်ကွင်းလုံခြုံရေးအား ယခင်နှစ်များထက် လုံခြုံရေးအစီအစဉ်များကို အသေးစိတ် တင်းကြပ်ဆောင်ရွက်သွားမည်ဖြစ်ကြောင်း ပွဲကျင်းပရေး လုံခြုံရေးနှင့် စည်းကမ်းထိမ်းသိမ်းရေး ဆပ်ကော်မတီမှ သိရသည်။ “အင်အားကတော့ မနှစ်က အတိုင်းပါပဲ။ ဒါပေမဲ့ ဒီနှစ်မှာ အရင်နှစ်တွေထက် ပိုပြီးအကွပ်စိတ်ဆောင်ရွက်မယ် ။ ကွင်း အတွင်းမှာလည်း လုံခြုံရေး လှည့်ကင်းတွေချထားမယ်။ ကွင်းအပြင်မှာလည်း လှည့်ကင်းတွေနဲ့ကြပ်မတ် ဆောင်ရွက်သွားဖို့ရှိတယ်။ လိုအပ်ရင် မိတ်ဖက် အဖွဲ့အစည်းတွေနဲ့ ပူးပေါင်းဆောင်ရွက်သွားဖို့ရှိပါတယ်” ဟု ပွဲကျင်းပရေး လုံခြုံရေးနှင့်ဆပ်ကော်မတီအဖွဲ့မှ ခရိုင်ရဲတပ်ဖွဲ့ရုံး လုံခြုံရေးဌာနခွဲ ဒုရဲမှူး ဥာဏ်လှိုင်ဦးက ပြောသည်။ တန်ဆောင်တိုင်ပွဲတော်အတွင်း မလိုလားအပ်သည့် ဖြစ်စဉ်များ မပေါက်စေရေးအတွက် ကွင်းအတွင်းအပြင် လှည့်ကင်းများဖြင့် ကြီးကြပ်ဆောင်ရွက်သွားမည်ဖြစ်သည့်အပြင် မြို့အ၀င်အထွက် ဂိတ်များတွင်လည်း သီးသန့် စစ်ဆေးရေးဂိတ်များ ထားရှိပြီး ဒုတ်၊ဓား လက်နက်များ မယူဆောင်နိုင်ရန်အတွက် စစ်ဆေးဆောင်ရွက်သွားမည် ဖြစ်ကြောင်း သိရသည်။ “ပွဲတွေလုပ်ရင်တော့ ရန်ဖြစ်ကြတာပဲ။ ဒါပေမဲ့ တန်ဆောင်တိုင်ပွဲအတွင်း ရန်မဖြစ်ရင် ပိုကောင်းပါတယ်။ လုံခြုံရေးတွေ တင်းကြပ်ထားရင် အ၀င်ပေါက်မှာ စစ်ဆေးရင် ကောင်းပါတယ်။ တစ်ခြားနေရာတွေမှာလည်း စစ်ဆေးစေချင်တယ်”ဟု တောင်ကြီးမြို့မှ ဒေါ်ဌေးက ပြောသည်။ တန်ဆောင်တိုင်ပွဲတော်အတွင်း လုံခြုံရေးပိုင်းဆိုင်ရာအတွက် ရဲတပ်ဖွဲ့တစ်ခုတည်း သာမက တပ်မတော်မှလည်း မိုင်းရှာခြင်း လုပ်ငန်းများကို လုပ်ဆောင်သွားမည်ဖြစ်ကြောင်း သိရသည်။ တောင်ကြီးတန်ဆောင်တိုင် မီးပုံပျံပွဲတော်အား နိုဝင်ဘာလ(၆)ရက်နေ့မှ နိုဝင်ဘာလ(၁၅)ရက်နေ့အထိ ကျင်းပမည်ဖြစ်သည်။ သတင်း - နိုနို

credit;
tachileik.net