ဖားကန့်တွင် စစ်ဆေးရေးအဖွဲ့ ပြန်သွားပြီးနောက် ဝှက်ထားသော ယန္တရားများဖြင့် ကျောက်စိမ်းပြန်တူး

ဖားကန့်ဒေသရှိ ကျောက်စိမ်းလုပ်ငန်းခွင်တွင် အသုံးပြုသည့် မော်တော်ယာဉ်ကြီးများကို ၂၀၁၆ ဇန်နဝါရီ ပထမပတ်က တွေ့ရစဉ် (ဓာတ်ပုံ − စိုင်းဇော်)
ဖားကန့်ဒေသတွင် စက် ယန္တရားစာရင်းများ သွားရောက် စစ်ဆေးသည့် ပြည်ထဲရေးဒုတိယ ဝန်ကြီး ဦးဆောင်သော စစ်ဆေး ရေးအဖွဲ့ ပြန်သွားပြီးနောက် ကုမ္ပဏီများက ဝှက်ထားသည့် စက်ယန္တရားကြီးများ ထုတ်သုံး ကာ ကျောက်စိမ်းတူးဖော်ရေး လုပ်ငန်းများ နေ့ရောညပါ ပြန် လည်လုပ်ကိုင်နေကြောင်း ဒေသ ခံများက ပြောသည်။

ဖားကန့်ဒေသတွင် ကျောက် စိမ်းတူးဖော်နေသည့် စက်ယန္တရားများစာရင်း အတိအကျရရှိရန် ပြည်ထဲရေးဒုတိယဝန်ကြီး ဗိုလ် ချုပ်အောင်စိုး ဦးဆောင်သော စုံ စမ်းစစ်ဆေးရေးအဖွဲ့က ဇန်နဝါရီ ၁၈ ရက်မှ ၂၅ ရက်အထိ မြေပြင်ကွင်းဆင်းကာ စာရင်း ကောက်ယူခဲ့ခြင်းဖြစ်သည်။ ပြည် ထဲရေးဒုတိယဝန်ကြီး စစ်ဆေးနေ စဉ်အတွင်း ကုမ္ပဏီများက တရားမဝင်တင်သွင်းထားသည့် စက် ယန္တရားများကို တောထဲ၌ သိုဝှက် ထားကြောင်း သတင်းထွက်ပေါ်ခဲ့ သည်။

ယခုအခါ အဆိုပါ စက် ယန္တရားကြီးများ ပြန်လည်ထုတ် သုံးကာ ကျောက်စိမ်းတူးဖော်ရေး လုပ်ငန်းများ ပြန်လည်လုပ်ကိုင် နေကြကြောင်း ဒေသခံအရပ်ဘက်အဖွဲ့အစည်းများထံမှ သတင်းရရှိ သည်။

‘‘ပြန်သွားပြီဆိုမှတော့ အဲဒီ ကားတွေအားလုံး ပြန်ထွက်လာ တာပဲ။ သူတို့ လာတုန်းလေးပဲ ဝှက်ထားကြတာ။ ကျွန်တော်တို့ ဆီမှာတော့ နေ့စဉ်နဲ့အမျှ ကမ္ဘာ ပျက်သလို ဖြစ်နေတာပဲ။ ကျွန် တော်တို့နယ်မြေကို ဖျက်ဆီးနေ တာပဲ။ နေ့ရော၊ ညရော ၂၄ နာရီ လုပ်နေကြတာ။ ဘယ်သူ့အားကိုး ရမှန်းမသိ။ ဘယ်သူ့ကို အဖေခေါ် ရမှန်းမသိဖြစ်နေတာ’’ဟု ဖားကန့် မြို့မှ လူမှုရေးသတင်းအဖွဲ့ ဦး ဆောင်သူ ဦးခင်မောင်ထွန်းက ပြောသည်။

ပြည်ထဲရေးဒုတိယဝန်ကြီး ဦးဆောင်သော စုံစမ်းစစ်ဆေးရေး အဖွဲ့ ဖားကန့်မြို့သို့ ရောက်ရှိနေ စဉ် ကျောက်စိမ်းကုမ္ပဏီများက တူးဖော်ရေးလုပ်ငန်းများ ရပ်ထား ပြီး တရားဝင်တင်သွင်းထားသည့် ယာဉ်များကို ရေဆေးကြောကာ ကုမ္ပဏီပိုင် လုပ်ကွက်အတွင်း စစ်ဆေးခံခဲ့ကြောင်း သတင်းရရှိ သည်။  

တရားမဝင် စက်ယန္တရား များကို လုံးခင်းကျေးရွာအုပ်စုရှိ မှော်ပုံတောင်ကြောနှင့် ဟောင်း ပါးအုပ်စု ကသိုင်းတောင်၊ တာ မခံလမ်းပေါ် နတ်လည်ကွင်းနေ ရာအနီးရှိ လူအသွားအလာနည်း ပါးသည့် တောင်ကြား၌ ဝှက်ထားခြင်းဖြစ်ကြောင်း နေရာအတိအ ကျဖော်ပြ၍ ဝေဖန်ခဲ့ကြသော် လည်း ကချင်ပြည်နယ် အစိုးရက ပြန်လည်ရှင်းလင်းခြင်း မရှိခဲ့ချေ။

‘‘ဝှက်ထားတဲ့ကားတွေ သူ တို့တွေ့မသွားဘူး။ မမြင်ချင် ယောင်ဆောင်တာပဲ ဖြစ်ဖြစ်၊ မတွေ့တာပဲဖြစ်ဖြစ် အဲဒီကား ထုတ်သုံးနေတယ်။ ဒါမျိုးစစ်ဆေး တယ်ဆိုတာ ရှောင်တခင်စစ်ဆေး ရတာ။ အခုက ငါတို့လာမယ်။ ဘယ်ကုမ္ပဏီဝင်စစ်မယ်ဆိုတာ က သဘာဝတော့ မကျဘူးဗျ’’ဟု ကျောက်စိမ်းလုပ်ငန်းရှင် ဦးဇော် မိုးထက်က ပြောသည်။

ပြည်ထဲရေးဒုတိယဝန်ကြီး ဦးဆောင်သော စုံစမ်းစစ်ဆေးရေး အဖွဲ့၏ စစ်ဆေးတွေ့ရှိချက်ကို အစိုးရက ယနေ့အထိ သတင်း တိတိကျကျမထုတ်ပြန်သေးပေ။ ဖားကန့်ဒေသတွင် လက်ရှိအခြေ အနေများနှင့်ပတ်သက်၍ မြန်မာ့ ကျောက်မျက်ရတနာလုပ်ငန်း (နေပြည်တော်)နှင့် ကချင်ပြည် နယ် အစိုးရအဖွဲ့ရုံးသို့ ဆက်သွယ် မေးမြန်းရာ ၎င်းတို့အနေဖြင့် စုံစမ်းစစ်ဆေးနေသည်ကိုသာ သိရပြီး အသေးစိတ်မသိရကြောင်း ၎င်းကပြောသည်။
Ref;7daydaily