လောကဓံရဲ့ရိုက်ပုတ်ခံရချိန်မှာ မမေ့ဖို့ အချက် ၇ ချက်

်
ကိုယ့်ကမ္ဘာကြီးတစ်စစီဖြစ်သွားပြီလို့ ထင်တဲ့အချိန်မှာ ကိုယ်မမေ့သင့်တဲ့အချက်တွေ အတော်များများရှိပါတယ်။ အခုဖော်ပြမယ့် အချက်တွေကို နှလုံးသွင်းလိုက်ရင် ကိုယ်ရင်ဆိုင်နေရတဲ့ လောကဓံကို လက်ပန်းမကျစတမ်း ကျော်လွှားဖြတ်သန်းနိုင်မှာပါ။

၁. တစ်ခုဆုံးရှုံးသွားတာနဲ့ တစ်ဘဝလုံး ပျက်သုန်းသွားတာ မဟုတ်ဘူး။ ကိုယ့်ပတ်ဝန်းကျင်ကို အာရုံစိုက်ကြည့်လိုက်ရင် ကိုယ်ကံကောင်းတာတွေကို မြင်နိုင်မှာပါ။ အဲဒီကျေးဇူးတင်စိတ်နဲ့ ဘဝကို ဆက်လက်ဖြတ်သန်းနိုင်ပါတယ်။

၂. အဆိုးမှန်သမျှ ယာယီအခိုက်အတန့်ပါပဲ။ ဒီအခိုက်အတန့်မှာ တောင့်ခံထားဖို့ပဲ လိုပါတယ်။

၃. ဒုက္ခတွေကို ကျော်လွှားဖို့ ကိုယ့်မှာ အင်အားအလုံအလောက်ရှိပါတယ်။ ကိုယ့်ကိုယ်ကို ယုံကြည်စိတ်တစ်ခုပဲ လိုတာပါ။

၎. အခြေအနေကို ကိုယ်ထိန်းချုပ်နိုင်ပါတယ်။ အရင်က မထွက်ဖူးတဲ့ စွမ်းရည်တွေကို အခုတစ်ခါမှာ စမ်းသပ်ကြည့်လိုက်ပါ။

၅. အတိတ်ကလည်း ဒီလိုအခက်အခဲတွေ အများကြီးကို ကျော်လွှားဖူးပြီးပြီပဲ။ အခုတစ်ခါလည်း ကျော်လွှားနိုင်မှာပါ။

၆. ကိုယ်စိုးရွံ့နေတဲ့ ပြဿနာတွေ တကယ်ဖြစ်လာဖို့ အချိန်အကြာကြီးလိုပါသေးတယ်။ လူ့ဘဝဟာ တိုတောင်းပါတယ်။ ဒီကြားထဲက ကာလမှာ ကိုယ်စိုးရိမ်နေတာတွေ တကယ်ဖြစ်လာမယ်လို့လည်း အတပ်မပြောနိုင်ပါဘူး။

၇. အကူအညီတောင်းတာဟာ ပျော့ညံ့တာမဟုတ်ပါဘူး။ ကိုယ်လိုအပ်တဲ့အချိန်မှာ အကူအညီတောင်းသလို သူများလိုအပ်တဲ့အချိန်မှာလည်း အပြန်အလှန်ကူညီပေးဖို့ပဲလိုပါတယ်။ ဒါဟာ ကြင်နာခြင်းရဲ့ သင်္ကေတဖြစ်ပါတယ်။

မုန်တိုင်းပြီးရင် လေပြေလာမယ်ဆိုတဲ့ စကားရှိပါတယ်။ အခက်ခဲဆုံးအချိန်တွေ ရှိလာခဲ့ရင် ဇွဲရှိရှိနဲ့ သည်းခံလိုက်ပါ။ မျှော်လင့်ချက်တွေကို မစွန့်လွှတ်လိုက်ပါနဲ့။ သန်းခေါင်ကျော်တဲ့အခါ အရုဏ်ဦးရဲ့အလင်းရောင်လေး သေချာပေါက် ရောက်လာပါလိမ့်မယ်။

စုပြည့်စုံ