နည်းပညာခေတ်ထဲမှာ ချစ်သူကို ဘယ်လိုမျိုး ချစ်မလဲ
နည်းပညာတွေ ဖွံ့ဖြိုးတိုးတက်လာတဲ့ ခေတ်ကြီးထဲမှာ ကျွန်တော်တို့အားလုံးက နေ့စဉ်နဲ့အမျှ လိမ်လည် လှည့်စားနေတတ်ကြတယ်ဆိုရင် လွန်တယ်လို့ ထင်ပါလိမ့်မယ်။ ဒီကိစ္စနဲ့ ပတ်သက်ပြီး သေချာစဉ်းစားကြည့်ဖို့ လိုပါလိမ့်မယ်။
မနက်ခင်းမှာ အိပ်ရာကထတာနဲ့ မျက်နှာမသစ်ခင်မှာ ဖုန်းကိုလှမ်းယူလိုက်ပြီး သင့်ကောင်မလေးဆီကို မနက်ခင်းနှုတ်ဆက်တဲ့ Message တစ်စောင်လောက်လှမ်းပို့လိုက်မယ်။ ဒီလို Message က အဓိပ္ပါယ်နှစ်မျိုးသက်ရောက်ပါတယ်။ သူမက သင့်စိတ်ထဲမှာ ပထမဆုံးပေါ်လာတဲ့ အရာဖြစ်တယ်ဆိုတာနဲ့ ပိုအရေးကြီးတာက သင့်အတွက် ဘယ်လောက်ပဲအလုပ်များများ သူမက ဦးစားပေးဖြစ်တယ်ဆိုတာပါပဲ။ တကယ်လက်တွေ့ကတော့ ဒီလို ဟုတ်ချင်မှဟုတ်မှာပါ။ တကယ်တမ်းတော့ Instagram ဒါမှမဟုတ် Facebook ကိုဝင်ပြီး ဟိုကြည့်ဒီကြည့် အရင်ဆုံး လျှောက်ကြည့်တတ်ပါတယ်။ ပြီးတော့မှသာ သင့်ကောင်မလေးဆီကို Message ပို့ဖြစ်ပါလိမ့်မယ်။
အခုခေတ်မှာ ချစ်သူစုံတွဲတွေအကြားဆက်ဆံရေးက ဦးတည်ချက်ပျောက်ဆုံးနေတတ်ပါတယ်။ ယောင်္ကျားလေး မိန်းကလေး ချစ်ကြိုက်နေကြပေမယ့် relationship တစ်ခုရဲ့ အဓိပ္ပါယ်က ဘာလဲဆိုတာကို သေချာမသိတတ်ကြတော့ပါဘူး။ နှစ်ဦးသား လျှောက်သွားဖို့၊ ချိန်းတွေ့ဖို့၊ Message တွေ အပြန်အလှန်ပို့ရုံလောက်ပဲလား။
ချစ်သူနှစ်ဦးကြားဆက်ဆံရေးမှာ ဆက်သွယ်ရေးက အရေးကြီးပါတယ်။ ဒါပေမယ့်လည်း အများစုက ဆက်သွယ်ရေးနည်းပညာတွေ သုံးနေရင်းနဲ့ပဲ တစ်ယောက်ကို တစ်ယောက် လီဆည် လှည့်ဖြား နေတတ်ကြတယ်ဆိုတာကို မသိကြသလို ဒီလိုဖြစ်နေတာကိုပဲ အားလုံးက အမှန်လို့ထင်နေတတ်ကြပါတယ်။ ချစ်သူနှစ်ယောက်ကြားမှာ လှည့်စားတယ်၊ ဖောက်ပြန်တယ်လို့ ပြောလိုက်ရင် ဘာကိုအရင်ဆုံးတွေးမိနိုင်ပါသလဲ။ ဟုတ်ပါတယ်။ နောက်တစ်ယောက်နဲ့ ဖြစ်နေတာမျိုးကိုပဲ တွေးမိမှာပါ။ ကိုယ်ချစ်တဲ့လူတစ်ယောက် အခြားတစ်ယောက်ယောက်နဲ့ ဆက်သွယ်နေမယ်၊ ချစ်ကြိုက်နေမယ်၊ ဂရုစိုက်နေမယ်ဆိုရင် ယုံကြည်မှုက ပျောက်ဆုံးသွားပါလိမ့်မယ်။
ဟုတ်ပါတယ်။ နောက်တစ်ယောက်နဲ့ ဖောက်ပြန်တာကလည်း အဆိုးဆုံးဖောက်ပြန်မှုဖြစ်ပါတယ်။ ဒါပေမယ့် နှစ်ဦးသားဆက်ဆံရေးမှာ နေ့စဉ်နဲ့အမျှလှည့်စားခံနေရတာကိုရော သတိထားမိပါရဲ့လား။ နှစ်ဦးသား ဆုံတွေ့ချိန်မှာ ဖုန်းတွေထုတ်၊ Message တွေနဲ့ ပတ်သက်ပြီး ငြင်းခုံကြ၊ ဆိုရှယ်မီဒီယာတွေပေါ်က အကြောင်းအရာတွေနဲ့ပဲ အချိန်ကုန်နေကြပြီး အဆက်အသွယ်ပြတ်တောက်မှုတွေ၊ အာရုံမစိုက်နိုင်တာတွေ၊ ရင်းနှီးမှုမရှိတော့တာတွေနဲ့ မချစ်တတ်ကြတော့တာအထိ ကြုံတွေ့နေတတ်ကြပါတယ်။ ဒီလိုကိစ္စတွေက နောက်တစ်ယောက်နဲ့ ပေါ်တင် ဖောက်ပြန်သွားတာထက် ပိုဆိုးပါသေးတယ်။
နှစ်ယောက်သားတွေ့ကြချိန်မှာ ဘာမဟုတ်တဲ့အကြောင်းအရာတွေ တင်နေတာ၊ လူတွေဆီက comment ရဖို့ ဓာတ်ပုံတွေ တင်နေတာကို ထိုင်ကြည့်ရင်း တစ်ဦးကိုတစ်ဦး အပြန်အလှန် အလေးထားဆက်ဆံမှုမရှိတာကိုက လှည့်စားနေတဲ့ သဘောပဲဖြစ်ပါတယ်။
ကဲ ဒီတော့ နည်းပညာတွေကို မေ့ထားပြီး နည်းလမ်းဟောင်းတွေကိုပဲ ပြန်သုံးကြည့်ပါ။ လက်တွေတွဲထားတာ၊ ကားတံခါးကိုဖွင့်ပေးတာ၊ ပန်းစည်းတွေ ပို့ပေးတာ စတဲ့ နည်းလမ်းတွေကို မစွန့်ပစ်လိုက်သင့်ပါဘူး။ အချစ်နဲ့ ပတ်သက်လာရင် ကလေးတစ်ယောက်လို့ ဖြစ်နေဖို့လိုပါတယ်။ ဘာကိုမှအထိခိုက်မခံနိုင်ပဲ ကိုယ်ချစ်တဲ့ တစ်စုံတစ်ယောက်အတွက် အသေးစိတ်အထိဂရုစိုက်နေတတ်ဖို့ လိုပါတယ်။
တစ်ယောက်နဲ့တစ်ယောက် အပြန်အလှန်အာရုံစိုက်ပါ။ သူမကို အသိအမှတ်ပြုပါ။ သင့်အတွက် သူမက ဘယ်လောက်အထိအရေးပါလဲဆိုတာကို ဖော်ပြပါ။ အရေးကြီးတာက သင့်ရဲ့ဖုန်းကို ခဏမေ့ထားပြီး ချစ်သူကို အပြည့်အ၀ အလေးထားဆက်ဆံဖို့ပဲဖြစ်ပါတယ်။
Thorn Htet
