၂၀၁၅ မယ်စကြ၀ဠာ ဆန်ခါတင်ရွေးချယ်ပွဲ ယနေ့ကျင်းပမည်

၂ဝ၁၅ မယ်စကြဝဠာပြိုင်ပွဲကြီးကို နောက်ဆုံးဆန်ခါတင်အဖြစ် အမေရိကန်နိုင်ငံ လာ့စ်ဗီးဂတ်စ်မြို့ရှိ Planet Hollywood Resort & Casion ၌ ဒီဇင်ဘာ ၂ဝ ရက် (ယနေ့)တွင် ကျင်းပတော့မည်ဖြစ် သည်။
အဆိုပါပြိုင်ပွဲကြီးတွင် မြန်မာနိုင်ငံကိုယ်စားပြု ဝင်ရောက်ယှဉ်ပြိုင်လျက် ရှိသော မေဘရဏီသော်သည်The Great Pageant Community အဖွဲ့အစည်းမှ ရွေးချယ်သော အကောင်းဆုံးညနေခင်းဝတ်စုံ ၁ဝ ခုစာရင်း တွင် နံပါတ်(၁)ချိတ်ခဲ့ကြောင်း သိရသည်။

မြန်မာနိုင်ငံမှ တတိယအကြိမ်မြောက် နိုင်ငံကိုယ်စားပြုသွားရောက် ယှဉ်ပြိုင်သော အလှမယ် မေဘရဏီသော်သည် ဒီဇင်ဘာ ၁၆ ရက်က အမေရိကန်နိုင်ငံ လာ့စ်ဗီးဂတ်စ်မြို့ ၌ ၂ဝ၁၅ ခုနှစ် မယ်စကြဝဠာပြိုင်ပွဲ၏ ပွဲကြိုအဖြစ် ကြိုတင်ကျင်းပသောပွဲတွင် အမေရိကန်နိုင်ငံ၏ အဖွဲ့အစည်းတစ်ခုဖြစ်သော www.thegeratpageant community.com က အလှပဆုံးဝတ်စုံပိုင်ရှင်အဖြစ် သတ်မှတ်ဂုဏ်ပြုချီးကျူး ခဲ့ကြောင်း သိရသည်။
ပြိုင်ပွဲတွင် နိုင်ငံပေါင်း ၈ဝ ကျော်မှ ကမ္ဘာ့အလှမယ်များကြားတွင် မြန်မာ အလှမယ် မေဘရဏီသော်၏ ညနေခင်းဝတ်စုံသည် ရိုးရိုးယဉ်ယဉ်ဖြင့် ထင်ဟပ် ပေါ်လွင်စေပြီး ပရိသတ်များ၏ စိတ်ဝင်စားမှုခံခဲ့ရကြောင်း အဆိုပါဝက်ဆိုက် က ဖော်ညွှန်းဂုဏ်ပြုချီးကျူးထားသည်။

''မြန်မာအလှမယ် မေဘရဏီသော်အနေနဲ့ ပွဲကြိုအဖြစ်ကြိုတင်အစမ်း လေ့ကျင့်တဲ့နေ့ စင်ပေါ်မှာ လမ်းလျှောက်ရင်း အနည်းငယ်ယိမ်းယိုင်သွား ပေမယ့် ပရိသတ်ရဲ့အားပေးမှုကို တော်တော်လေး ရလိုက်ပါတယ်။ အထူး သဖြင့် သူ့ရဲ့ညနေခင်းဝတ်စုံကို တော်တော်လေးပရိသတ်များက စိတ်ဝင် တစားရှိ ကြတယ်လို့သိရတယ်။ ခုလည်း အဲဒီကနာမည်ကြီး ဝက်ဆိုက်တစ်ခု က ချီးကျူးဂုဏ်ပြုထားပါတယ်။ သူတို့ဝက်ဆိုက်မှာလည်း မေဘရဏီသော်ရဲ့ ဝတ်စုံနဲ့ပတ်သက်လို့ တင်ထားပါတယ်။ ဒါက Miss Universe အဖွဲ့က ပေးတာမဟုတ်ပါဘူး။ တချို့က အဲဒီလိုထင်ကြတာပါ။ ပြိုင်ပွဲကြီးက ဒီဇင်ဘာ ၂ဝ ရက်ညမှ စမှာဖြစ်ပါတယ်''ဟု Miss Universe Myanmar Organiza-tion မှ တာဝန်ရှိသူတစ်ဦးက ပြောသည်။

ယခုမြန်မာနိုင်ငံကိုယ်စားပြု သွားရောက်ယှဉ်ပြိုင်သည့် အလှမယ် မေဘရဏီသော်သည် ပြီးခဲ့သည့် အောက်တိုဘာ ၃ ရက်တွင်Miss Universe Myanmar Organiza-tion က ကြီးမှူးကျင်းပသော Miss Universe Myanmar 2015 ပြိုင်ပွဲ၏ နောက်ဆုံးရွေးချယ်မှုတွင် winner ဆုကို ရရှိခဲ့ပြီး ယခုကဲ့သို့ နိုင်ငံကိုယ်စားပြုအနေဖြင့် တတိယအကြိမ်မြောက် သွားရောက် ယှဉ်ပြိုင်ခြင်းဖြစ်သည်။ သူသည် အသက် ၂၅ နှစ်ရှိပြီး ဝိဇ္ဇာ(သမိုင်း)နှင့် ဘွဲ့ရထားကာ LCCI Level I, II (U.K) တက်ရောက်အောင်မြင်ထားပြီး အင်္ဂလိပ်၊ ဂျပန်ဘာသာစကားများကိုလည်း တတ်ကျွမ်းထားသူဖြစ်သည်။

ယနေ့ယှဉ်ပြိုင်မည့် ၂ဝ၁၅ ခုနှစ် မယ်စကြဝဠာပြိုင်ပွဲကြီးအတွက် ကြိုတင် ပြင်ဆင်မှုများအနေဖြင့် နိုဝင်ဘာလတွင်းက ထိုင်းနိုင်ငံ ဗန်ကောက်မြို့တွင် ပြိုင်ပွဲအတွက် မိတ်ကပ်ပြင်ဆင်မှုကအစ လိုအပ်သည်များကို သွားရောက် သင်ကြားခဲ့ပြီး သူသွားရောက်ယှဉ်ပြိုင်ရန်အတွက် National Costume နှင့် ယခုနာမည်ကြီးချီးကျူးခံရသော ညနေခင်းဝတ်စုံများကို ဒီဇိုင်နာ မင်းသက်စံ၊ မြန်မာဝတ်စုံများကို ဒီဇိုင်နာ ငြိမ်းကိုနှင့် Casual Wear များကို ရွှန်းလတ်ပိုင် တို့က ကူညီချုပ်လုပ်ပေးခဲ့ ကြောင်း သိရသည်။

(မြန်မာ့အလင်း)