မြန်မြန်ပြောင်းလဲချင်ရင် NLD ပါတီကို မြန်မြန်အာဏာလွှဲလိုက်ပါလို့ ပွင့်လင်းစွာပြောလာတဲ့ ဒါရိုက်တာကြည်ဖြူသျှင်

၂၀၁၅ တစ်နှစ်လုံး ရွေးကောက်ပွဲနဲ့ပတ်သက်ပြီး ပါဝင်လှုပ်ရှားဖြစ်ခဲ့တဲ့ ဒါရိုက်တာကြည်ဖြူသျှင်က ဇာတ်ကားရိုက်ကူးမှုတွေ နည်းပါးခဲ့သလို ၂၀၁၆ ဇန်န၀ါရီ၁၃ ရက်နေ့မှာ ဗီဒီယိုရိုက်ကူးမှုတွေပြန်လည်စတင်မှာဖြစ်ပြီး ၂၀၁၅ ရွေးကောက်ပွဲနဲ့ပတ်သက်ပြီး သူမရဲ့အတွေ့အကြုံနဲ့အမြင်များကို ပြန်လည်ပြောပြလာတဲ့အခါ

-၂၀၁၅ ရွေးကောက်ပွဲအပေါ် အစ်မရဲ့ အမြင်လေးကို ပြောပြပေးပါလား။

ရွေးကောက်ပွဲကျင်းပပွဲမတိုင်ခင်အထိ ရွေးကောက်ပွဲနဲ့ပတ်သက်ပြီး အစ်မတို့အရမ်းစိတ်ပူခဲ့တယ်။ ဘာလို့လဲဆိုတော့ ပထမအဆင့်စိတ်ပူတာက တံဆိပ်တုံးကို ပြည်သူတွေက မှန်ကန်စွာ ထုနိုင်ပါ့မလားပေါ့။ ပယ်မဲတွေအများကြီးဖြစ်မှာကိုစိုးရိမ်ခဲ့တယ်။ နောက်ပြီး ပြည်သူတွေဟာ ဒီရွေးကောက်ပွဲမှာ စိတ်ဝင်စားမှုအားနည်းတယ်လို့လဲတချို့ကသုံးသပ်ကြတယ်။ ဘာလို့လဲဆိုတော့ ရှေ့မှာ လုပ်ခဲ့တဲ့ စည်ပင်နဲ့ပတ်သက်တဲ့ရွေးကောက်ပွဲမှာဆိုရင်လူတွေဟာ မဲသွားပေးတဲ့လူဦးရေအနေနဲ့ သုံးပုံ ၁ပုံတောင် မဲမပေးသလောက်ရှိတယ်။ ကိုယ့်ဝန်းကျင်မှာစကားပြောကြည့်တဲ့အခါမှာလဲ စိတ်ထဲမှာတော့ NLD ရှိတယ်။ ဒါပေမဲ့ မဲသွားပေးဖို့အတွက်ကို တကယ်ကိုယ်ပေးရင်ရော အစိုးရဖွဲ့နိုင်ပါ့မလား။ တကယ်ရော ရပါ့မလားဆိုတဲ့သံသယတွေနဲ့လူတွေကဝေေ၀၀ါးဝါးဖြစ်ကြတယ်။ လူတိုင်းမဲသွားပေးပါ့မလားကိုတစ်ချက်စိတ်ပူတယ်။ နောက်တစ်ချက်က မဲပေးတဲ့မှားယွင်းမှုကြောင့် ပယ်မဲများဖြစ်မလားဆိုပြီးစိုးရိမ်တယ်။ ဒါပေမဲ့ အဲ့ဒီလိုစိုးရိမ်တဲ့ အချိန်မှာပဲ နိုင်ငံခြားမှာ မဲတွေစပေးကြတယ်။ အဲ့ဒီမှာပဲ တကယ့်ကို တက်တက်ကြွကြွနဲ့မြန်မာတွေဟာ လမ်းမှာညအိပ်ပြီးမဲပေးကြတယ်။ နိုင်ငံခြားမှာတောင် ဒီလောက်ကြိုးကြိုးစားစားနဲ့သူတို့ရတဲ့ငွေအဆုံးအရှုံးခံ အချိန်ကုန်ခံပြီး မဲပေးကြတယ်။ နောက်ပြီးမဲပေးခွင့်မရတဲ့လူတွေရဲ့ခံစားချက်တွေထွက်လာတယ်။ မဲတစ်မဲဟာအရမ်းတန်ဖိုးရှိပါလား။ မဲပေးခြင်းရဲ့တန်ဖိုးကိုလဲ လူတွေကနားလည်သွားကြတယ်။ နောက်စင်ကာပူကနေလေယာဉ်စင်းလုံးငှားပြီး မြန်မာနိုင်ငံကို မဲလာပေးတာတွေကြောင့် တကယ်မဲပေးတဲ့နေ့မှာ မနက်ခြောက်နာရီလောက်ကတည်းကမဲရုံရှေ့မှာလူတွေကတန်းစီနေကြတယ်။ အစ်မတို့ရပ်ကွက်မှာဆိုရင် တော်ရုံအပြင်မထွက်တဲ့လူတွေကတောင် မဲရုံရှေ့မှာတန်းစီနေကြပြီ။ အဲ့ဒီမှာစိတ်နည်းနည်းလေးအေးသွားတယ်။ ဒါပေမဲ့ အဲ့ဒီ၈ရက်နေ့မှာပဲ NLD ပါတီအနေနဲ့ Complain Centre မှာထိုင်ရတယ်။ လူအယောက် ၅၀၀လောက်နဲ့တစ်နိုင်ငံလုံးမဲစာရင်းကိုကောက်တယ်။ အဲ့ဒီမှာကိုယ်ကနောက်တစ်ဆင့်စိတ်ပူသွားပြန်ရော ၆နာရီမဲပေးပြီး ၈နာရီမှာရုံးရောက်တယ်။ အမက NLD ပါတီဝင်ဖြစ်တဲ့အတွက် NLD အတွက်ပဲအစ်မကတော့ မျှော်လင့်တာပေါ့နော်။ တချို့ဆိုမဲပုံးတွေမှားထည့်ကြတယ်။ ပြောမယ်ဆိုရင် အမျိုးမျိုးသောပြသနာတွေနဲ့ကြုံရတာပေါ့နော်။ အဲ့ဒီမှာဆိုရင် ကရင်အမျိုးသားပါတီက နော်ပန်းသင်ဇာမျိုးပေါ့လေ။ သူဆိုကျွန်မတို့ကို ဖုန်းလှမ်းဆက်တာ ၂နာရီထိကိုတိုင်းရင်းသား မဲပုံးမရောက်သေးဘူး။ ၆နာရီမဲစပေးတယ်။ ၄နာရီမဲရုံပိတ်မှာကို ၂နာရီထိ မဲပုံးမရောက်သေးဘူးဆိုတော့ မဲပေးဖို့လာစောင့်တဲ့သူတွေက ထမင်းမစားရသေးဘူးလေ။ သူတို့ကရင်တိုင်းရင်းသားတွေကိုလဲမဲမပေးရသေးပဲနဲ့မပြန်ဖို့မှာတဲ့အခါမှာလဲ အားလုံးကစောင့်နေကြတယ်။ တော်တော်ဆိုးဝါးတဲ့ အခြေအနေတွေရှိခဲ့တယ်။ ဒါပေမဲ့နောက်ဆုံး အဖြေရလာဒ်ကတော့ အဲ့ဒီလိုအခက်အခဲအကြပ်အတည်းတွေကြားထဲကကို NLD ဟာ အပြတ်အသတ်နိုင် ခဲ့တယ်။ ပြောရမယ်ဆိုရင်အခုရွေးကောက်ပွဲကြီးရဲ့ ရလာဒ်ဆိုရင် ပြည်သူတွေရဲ့အသိအမြင်ကြွယ်ဝမှုကြောင့်ပါပဲ။ ဘယ်လိုအခက်အခဲဘယ်လိုအကြပ်အတည်းပဲရှိရှိရအောင်ကျော်လွှားနိုင်ခဲ့တယ်။ မြန်မာနိုင်ငံသားတွေအားလုံးတာဝန်ကျေတယ်။ အားလုံးမျှော်လင့်တဲ့အတိုင်း NLD ပါတီဟာ အစိုးရဖွဲ့ဖို့အတွက်မဲအပြတ်အသတ်နဲ့နိုင်ခဲ့တယ်။

-ကိုယ်ကိုတိုင် အနုပညာအလုပ်တွေနားပြီး ပါဝင်လှုပ်ရှားပေးခဲ့တဲ့ NLD ပါတီနိုင်တဲ့အပေါ် စိတ်ခံစားချက်က။

ကိုယ်ကိုတိုင်နိုင်ငံသားတစ်ယောက်အနေနဲ့ရော၊ ပါတီဝင်တစ်ယောက်အနေနဲ့ပါပြောရရင် မြန်မာနိုင်ငံသားတွေကိုအရမ်းကျေးဇူးတင်တယ်။ ဘာကြောင့်လဲဆိုတော့ နိုင်ငံရေးဆိုတာ တစ်သက်လုံးနိုင်ငံရေး လုပ်လဲ နောက်ဆုံးရလာဒ်အဖြေက ဒီမဲပေးတာပဲ။ ဘယ်လောက်ပဲ ကြိုးစားခဲ့ကြိုးစားခဲ့ မဲပေးတဲ့အချိန်မှာ မဲမရဘူးဆိုရင် ပြီးသွားပြီ။ ဒါအဖြေပဲ။ တချို့ကပြောကြတယ်။ နိုင်ငံရေးကိုစိတ်ဝင်စားတယ်။ ဒါပေမဲ့ နိုင်ငံရေးလုပ်ဖို့အချိန်မရှိဘူးဆိုတဲ့သူတွေကို ကျွန်မပြောလေ့ရှိတယ်။ မဲပေးတဲ့နိုင်ငံရေးက အမြင့်ဆုံးနိုင်ငံရေးပဲ။ မြန်မာနိုင်ငံသားတွေအားလုံး အရမ်းတာဝန်ကျေတယ်။ နိုင်ငံသားတစ်ယောက်အနေနဲ့ မဲပေးတာနဲ့ပတ်သက်ပြီး ကမ္ဘာကနေတုန်လှုပ်ရတဲ့အထိကိုဖြစ်ခဲ့တယ်။ ပါတီဝင်တစ်ယောက်ဆိုတာထက် နိုင်ငံသားတစ်ယောက်အနေနဲ့အရမ်းကျေနပ်တယ်။ မြန်မာနိုင်ငံသားတစ်ယောက်ဖြစ်ရတာအရမ်းဂုဏ်ယူတယ်။

-NLD ပါတီဝင်တစ်ယောက်အနေနဲ့ရောဘယ်လိုမျိုး ဆက်လက်လှုပ်ရှားသွားဖို့ရှိလဲ။

ဒီလကုန်အတွင်းမှာ ဘားချပ်တင်ဖို့ကိစ္စရှိတယ်။ လွှတ်တော်ကိုယ်စားလှယ်တွေဘားချပ်တင်ဖို့တွေလုပ်နေတယ်။ ပြီးရင်ဒီဇင်ဘာလကုန်အတွင်းမှာ တခြားသောပါတီတွေကနေပြီးတော့ လွှတ်တော်ကိုယ်စားလှယ်တွေကို တရားစွဲမှုတွေရှိမယ်။ စောင့်ကြည့်နေရတဲ့ကာလပေါ့။ လူကြီးတွေကတော့ သူတို့လုပ်စရာရှိတာတွေကို ဆက်လုပ်နေတာပေါ့။ လွှတ်တော်ကိုယ်စားလှယ်တွေကတော့ သိန်း တစ်ရာဘားချပ်အတွင်းကို ဘယ်လိုသုံးမလဲဆိုတာကို စာရင်းတင်ဖို့အတွက်ကို အားလုံးပြင်ဆင်နေကြတယ်ပေါ့။ ပြောမယ်ဆိုရင် ပထမအဆင့်က ဘားချပ်ကို မဖြစ်မနေတင်ဖို့အတွက်ကို လုပ်နေတယ်။ ဒုတိယအဆင့်အနေနဲ့ တစ်ဖက်ကမဟုတ်မမှန်စွပ်စွဲလာလို့ရှိရင် ဖြေရှင်းဖို့တွေလုပ်နေတယ်။

-ဘယ်တော့လောက်ရော အစိုးရဖွဲ့လို့ရမလဲ။

အစ်မတို့ကြားတာကတော့ ၂၀၁၆ ဧပရယ်ဆို အစိုးရဖွဲ့လို့ရပြီလို့ကြားပါတယ်။ ပြောရမယ်ဆိုရင် ဘာမှမကျန်တော့ပါဘူး။ အစ်မတို့နှစ်ပေါင်းများစွာစောင့်လာခဲ့တာနဲ့ စာရင်ဒီလလေးက မပြောပလောက်တဲ့ ကာလလေးတစ်ခုပါပဲ။

-ဒီလပိုင်းလေးအတွင်းမှာ တစ်စုံတစ်ရာပြောင်းလဲသွားမှာကိုလဲ ပြည်သူတွေကစိုးရိမ်နေကြတယ်။

ပြောရမယ်ဆိုရင်ပြည်သူတွေစိုးရိမ်သလိုပဲ အစ်မတို့လဲစိုးရိမ်တာပဲလေ။ အစ်မတို့အားလုံးကဘယ်လိုတွေးရမလဲဆိုရင် အစ်မတို့အားလုံးရွေးချယ်ထားတဲ့ NLD ခေါင်းဆောင် အမေစုပေါ့။ အမေပြောတဲ့စကားကို တသွေမတိမ်းနားထောင်ပါ။ ဘယ်သူဘာပြောပြော စိတ်ဝမ်းမကွဲပါနဲ့။အားလုံးအမေစုရဲ့စကားကိုနားထောင်ပြီးတော့ ရွေးချယ်ပြီးသွားပြီ။ အစိုးရဖွဲ့နိုင်ဖို့အတွက်ပြည်သူတွေအားလုံးဟာအမေစုရဲ့စကားကို တစ်သွေမတိမ်းနားထောင်ကြပါ။ လိုက်နာကြပါ။ အဲ့ဒီလိုဆိုရင်တော့ အားလုံးမျှော်လင့်တဲ့အတိုင်း NLD ပါတီဟာအစိုးရဖွဲ့နိုင်မှာပါ။

-NLD ပါတီအနေနဲ့ မြန်မာနိုင်ငံရဲ့ ပြောင်းလဲမှုနဲ့ပတ်သက်ပြီး အာမခံချက်ပေးနိုင်တာရော ဘာများရှိမလဲ။

ပြောရမယ်ဆိုရင် NLD ပါတီအနေနဲ့ရော ပြည်သူတစ်ယောက်အနေနဲ့ရော ပြောရမယ်ဆိုရင် ပထမအဆင့်ပြောင်းလဲမှုကတော့ အမတို့နိုင်ငံမှာ အစိုးရဘားချပ်သုံးစွဲမှုတွေလေ့လွင့်မှုတွေပျောက်သွားလိမ့်မယ်။ သုံးသင့်တာကို သုံးသင့်တဲ့အတိုင်း ထိထိရောက်ရောက်သုံးဖြစ်လိမ့်မယ်။ နောက်တစ်ခု ကျန်းမာရေး၊ ပညာရေးနဲ့ပတ်သက်ပြီးသိသိသာသာပြောင်းလဲသွားလိမ့်မယ်။ နောက်တစ်ခုလူတွေဟာ ကိုယ်မတရားခံရလို့ရှိရင် ကိုယ့် Right နဲ့ပတ်သက်ပြီး အပြည့်အ၀တောင်းဆိုခွင့်ရှိလာလိမ့်မယ်။ နောက်တစ်ခုက အကြောက်တရားကင်းစင်စွာနဲ့လူတွေဟာ ရပ်တည်ရှင်သန်ခွင့်ရလာလိမ့်မယ်။ နောက်တစ်ခုက ငွေများငွေနိုင်တို့၊ တရားရုံးမှာ ဦးတိုက်ရင်တောင် ငွေများတရားနိုင်ဆိုတဲ့ ခေတ်ကြီးထဲကလွတ်မြောက်ခွင့်ရလိမ့်မယ်။ လူ့အခွင့်အရေးကို အပြည့်အ၀ရလိမ့်မယ်လို့အစ်မကတော့ အာမခံနိုင်တယ်။

-ပြည်သူတွေရဲ့တောင်းဆိုမှုနဲ့အစ်မတို့လုပ်ပေးနိုင်တဲ့အတိုင်းအတာနှစ်ခုအပေါ်မှာရော ဘယ်လိုမျိုးလေး ညှိပေးသွားမလဲ။

ပြည်သူတွေကတော့တောင်းမှာပဲ။တောင်းပါစေ။ တောင်းမှလဲလူကြီးတွေကသိမှာလေ။ အဲ့ဒီအခါကျမှ လူကြီးတွေက ဘယ်ဟာလုပ်ပေးနိုင်တယ်။ မလုပ်ပေးနိုင်ဘူးဆိုတာကို လူကြီးတွေကပြန်ပြောပြလိမ့်မယ်။ မတောင်းရင်လဲ ဘယ်သူမှသိမှာမဟုတ်ဘူး။ လူတိုင်းလွတ်လပ်စွာတောင်းခွင့်ရှိတယ်။ လွတ်လပ်စွာပြောခွင့်ရှိတယ်။ သူတို့ပြောပြတဲ့အပေါ်မူတည်ပြီး NLD တာဝန်ရှိတဲ့သူတွေကလဲ ဒီအပိုင်းဆိုရင်တော့ အခုလုပ်ပေးမယ်။ ဘယ်အပိုင်းဆိုရင်တော့ ဘယ်လောက်တော့စောင့်ပေးပါဆိုတဲ့ အချက်အလက်တွေကိုပြည်သူတွေနားလည်အောင်ရှင်းလင်းပြတ်သားစွာပြောပြပေးရမယ်။ ဒါမှလဲ ပြည်သူတွေတင်မြှောက်တဲ့အစိုးရကို ပြည်သူတွေအားလုံးကလဲ ယုံယုံကြည်ကြည်နဲ့ အာဏာအပ်နှင်းလို့ရမှာပါ။

-မြန်မာနိုင်ငံကို ပါတီဝင်တစ်ယောက်အနေနဲ့ဖြစ်စေချင်တဲ့ဆန္ဒလေး။

အစ်မကတော့ အမေဒေါ်အောင်ဆန်းစုကြည်နှင့်တကွ NLD ပါတီဝင်တွေအားလုံးဟာလက်ရှိအခြေအနေထက်ပိုကောင်းတဲ့အနေအထားတစ်ခုကိုရောက်အောင်လုပ်ပေးနိုင်လိမ့်မယ်လို့အစ်မကတော့ ယုံကြည်တယ်။ အစ်မကဖြစ်စေချင်တာကတော့ အာဏာမြန်မြန်လွှဲလိုက်စေချင်ပြီ။ အာဏာမြန်မြန်လွှဲမှလဲ မြန်မြန်အကောင်အထည်ဖော်နိုင်မယ်။ အခုဆိုရှမ်းပြည်မှာစစ်ဖြစ်နေတယ်။ အဲ့ဒီအခြေအနေကြီးကိုလဲမကြိုက်ဘူး။ ဘာကြောင့်ဖြစ်နေတာလဲ။ ဒီလိုအခြေအနေကြီးမှာ အဲ့ဒီလောက်အသည်းအသန်တိုက်နေစရာမလိုဘူးလို့လဲအစ်မထင်တယ်။ ပြည်သူတွေအရမ်းသနားဖို့ကောင်းတယ်။ အရမ်းဒုက္ခရောက်နေတယ်။ တချို့ကပြောကြတယ်။ NLD ပါတီအုပ်ချုပ်ရင်လဲဒီလိုဖြစ်မှာပဲတဲ့။ အဲ့ဒါဆို အာဏာသာမြန်မြန်လွှဲပေးလိုက်ပါ။ မြန်မြန်ဖြေရှင်းပေးချင်ပါတယ်။ လက်ရှိအခြေအနေကနေပိုကောင်းချင်ရင် NLD ကိုသာမြန်မြန် အာဏာလွှဲပေးလိုက်ပါ။ မြန်မြန်လွှဲလိုက်မယ်ဆိုရင် လက်ရှိအခြေအနေထက် အများကြီးကောင်းသွားလိ့မ်မယ်လို့အစ်မတို့ကတော့ယုံကြည်ပါတယ်။

-အစ်မအနုပညာနဲ့ပတ်သက်ပြီး ဘယ်လိုမျိုးလေးဆက်လုပ်ဖို့ရှိမလဲ။

၁လပိုင်း၁၃ ရက်လောက်မှာ အောင်ရဲလင်းနဲ့ခင်ဝင့်ဝါနဲ့ကားရိုက်တွေပြန်စပါမယ်။ မဖြန့်ရသေးတဲ့ကားတွေက ၁၀ကားလောက်ရှိတယ်။ ၂၀၁၆ မှာ ထွက်ပါမယ်။ အစက ကားကြီးရိုက်မလို့ပဲ။ ဒါပေမဲ့ရွေးကောက်ပွဲကာလမှာ အမဘာမှမစဉ်းစားဖြစ်တော့ ၂၀၁၆ ထဲမှာပဲ ကားကြီးတွေရော ဗီဒီယိုတွေရောပြန်ရိုက်မယ်ဆိုပြီး ၁၃ ရက်နေ့ကို ဗီဒီယိုကားအနေနဲ့စတည်ထားတာပါ။ လို့ပြောပြခဲ့ပါတယ်။

www.trend.com.mm