အင်တာနက်ကို မြန်အောင် ဘယ်လိုသုံးမလဲ

အင်တာနက်ကဖေးလို့ခေါ်တဲ့ အများသုံးအင်တာနက်ဆိုင်တွေ ယခုလပိုင်းအတွင်းမှာ အလျှိုအလျှိုပေါ်ထွက်လာကြသလို လူငယ်၊ လူလတ်၊ လူကြီးပါမကျန် ရည်ရွယ်ချက်အမျိုးမျိူးနဲ့ သုံးစွဲသူများလာတာတွေ့ရပါတယ်။

အချို့သုံးစွဲသူတွေကတော့ ယခင်က လစဉ်ကြေးနဲ့ပေးဆောင်ကာ Dial-up account သုံးစွဲသူတွေဖြစ်ပါတယ်။ ယခု အင်တာနက်ကဖေးက တွက်ခြေလည်းကိုက် ပိုလည်းမြန်ဆန်တဲ့အတွက် ကဖေးမှာ ပြောင်းသုံးကြသူတွေဖြစ်ပါတယ်။

အင်တာနက်ကဖေးတွင်သုံးစွဲရာမှာ မြန်ဆန်အောင်သုံးစွဲနိုင်ရင် သုံးစွဲသူရဲ့ အချိန်ကုန်လည်းသက်သာ၊ သုံးစွဲခပေးရတာလည်း သက်သာမှာဖြစ်ပါတယ်။ ဘယ်လိုမြန်ဆန်အောင်သုံးရမလဲဆိုရာမှာ အကြောင်းအမျိုးမျိုးရှိပါတယ်။ အင်တာနက်ကဖေးတစ်ခုနဲ့တစ်ခု လိုင်းအခြေအနေပေါ်မူတည်ပြီး အနှေး၊ အမြန်ကွာခြားမှုလည်းရှိပါတယ်။ ဒီအချက်ကိုတော့ သုံးစွဲတဲ့အတွေ့အကြုံအရ သိရှိနိုင်ပါတယ်။ အင်တာနက်ကဖေးမှာသုံးထားတဲ့ ကွန်ပျူတာရဲ့အနှေး၊ အမြန်ဟာလည်း အကြောင်းတစ်ချက်ဖြစ်ပါတယ်။ ရန်ကုန်မြို့ရှိ အင်တာနက်ကဖေးအများစုမှာတော့ ပင်တီယံ၃နဲ့ မင်မိုရီ ၂၅၆ မီဂါဘိုက်ကို အသုံးများပြီး အနည်းငယ်သောဆိုင်တွေမှာသာ ပင်တီယံ၎တွေသုံးကြတာ တွေ့ရပါတယ်။

အင်တာနက်သုံးစွဲသူအနေနဲ့ ကဖေးကရှိတဲ့အခြေအနေပေါ်မှာ မိမိရဲ့သုံးစွဲပုံသုံးစွဲနည်းကြောင့် အချိန်ကုန်သက်သာ၊ မြန်ဆန်စေတဲ့အချက်တွေရှိပါတယ်။ အဲဒီအချက်တွေကို ဖော်ပြပေးလိုက်ပါတယ်။

ပထမအချက်အနေနဲ့ အင်တာနက်သုံးစွဲတဲ့ Browser Software (ဘရောက်ဆာ) ဖြစ်ပါတယ်။ ဝင်းဒိုးကွန်ပျူတာစနစ်နဲ့တွဲလျက်ပါတဲ့ အင်တာနက်အိတ်စ်ပလိုရာကို ယခုနောက်ပိုင်းအသုံးနည်းလာပြီး အင်တာနက်ကဖေးအများစုမှာ Mozilla Firefox ကိုသာ အများဆုံးသုံးစွဲကြတာ တွေ့ရပါတယ်။ မြန်မာနိုင်ငံရှိ အင်တာနက်သုံးစွဲသူတွေထဲမှာ Firefox မသုံးဘူးသူ မရှိသလောက်ဖြစ်လာတာ တွေ့ရပါ တယ်။ Firefox ဟာ အင်တာနက်အိတ်စ်ပလိုရာထက်လည်းမြန်သလို အခြားဘရောက်ဆာဆော့ဖ်ဝဲတစ်ခုဖြစ်တဲ့ Opera ထက်လည်း ပိုမိုအဆင်ပြေတာတွေ့ရပါတယ်။ ဒါကြောင့် အင်တာနက်ကဖေးမှာသုံးစွဲတဲ့အခါ Firefox ကို သုံးတာကပိုမိုမြန်ဆန်ပြီး မိမိကူးယူလိုတဲ့ဝက်ဘ်ဆိုက်ဆိုရင်လည်း Ctrl + S ကီးကိုနှိပ်ပြီး မောက်စ်မသုံးဘဲ မြန်ဆန်စွာကူးယူနိုင်ပါတယ်။

ဒုတိယတစ်ချက်ကတော့ Firefox ထဲမှာပဲ Tab လို့ခေါ်တဲ့ဝက်ဘ်ဆိုက်လိပ်စာခွဲနဲ့ ဝင်းဒိုးအငယ်တွေ လေးငါးခုထက်မနည်းဖွင့်ထားကာ မိမိကြည့်လိုတဲ့ဝက်ဘ်ဆိုက်တော်တော်များများကို တစ်ပြိုင်နက်တည်းခေါ်တဲ့နည်းဖြစ်ပါတယ်။ Tab အသစ်ဖွင့်တဲ့ Shotcut ကတော့ Ctrl+T ဖြစ်ပါတယ်။ ဝင်းဒိုးတစ်ခုထဲမှာ Tab နှစ်ခုဖွင့်ခြင်းဟာ ဝင်းဒိုးနှစ်ခုတစ်ပြိုင်တည်းကြည့်ခြင်းထက်ကို ပိုမိုကြည့်ရလွယ်ပါတယ်။ Tab နှစ်ခုလုံးရဲ့ ဝက်ဘ်ဆိုက်တက်လာတဲ့အခြေအနေကို တစ်ပြိုင်တည်းသိနိုင်လို့ဖြစ်ပါတယ်။ ဆက်မဖွင့်လိုတဲ့ Tab ကို တစ်ခုချင်းပိတ်ချင်ရင် Tab ပေါ်မှာ ညာဘက်ကလစ်နှိပ်ကာ Close Tab နဲ့ပိတ်နိုင်ပါတယ်။ အဓိကဝင်းဒိုးကို ပိတ်ဖို့မလိုပါဘူး။ နောက်တစ်ချက်ကတော့ ဘယ်ဘရောက်ဆာမှာမဆို Ctrl+ Enter နှိပ်လိုက်ရင် ဝက်ဘ်ဆိုက်လိပ်စာဖြစ်တဲ့ www...qdkwJhvdyfpmudktpu ae½kdufp&mrvdkwJhenf;jzpfygw,f/

တတိယတစ်ချက်ကတော့ မေးလ်သုံးစွဲသူတွေ၊ အမြဲဝင်နေကျဝက်ဘ်ဆိုက်ကြည့်သူတွေဟာ သုံးနေကျဆိုင်ရဲ့ သုံးနေကျကွန်ပျူတာကိုရွေးချယ်ပြီး Favorite ထဲမှာ ထည့်သွင်းထားခဲ့ရင် ဝက်ဘ်ဆိုက်လိပ်စာမှတ်ပြီး ပြန်ရိုက်ရတာထက် အချိန်ကုန်သက်သာမှာဖြစ်ပါတယ်။

စတုတ္ထအချက်ကတော့ မိမိ download လုပ်မယ့် file ကိုစတင်သုံးစွဲစဉ်ကတည်းက Memory Stick ထဲကို Save လုပ်တဲ့နည်းပါ။ သုံးစွဲလို့ပြီးတဲ့အခါမှ Memory Stick ထဲပြန်ကူးယူတာထက် file တစ်ခုချင်း Save လုပ်စဉ်ကတည်းက တစ်လက်စတည်း Stick ထဲသိမ်းထားတဲ့နည်းဟာ အချိန်ကုန်သက်သာစေပါတယ်။

ပဉ္စမအချက်ကတော့ Antivirus ဆော့ဖ်ဝဲလိုမျိုးအစရှိတဲ့ file အရွယ်အစားသိပ်မကြီးတဲ့ ဆော့ဖ်ဝဲတွေကူးယူလိုရင် မိမိဘာသာကူးယူမယ့်အစား အင်တာနက်ကဖေးဆိုင်တွေမှာ ကူးယူပြီးသားရှိတာများတာကြောင့် တောင်းယူနိုင်ပါတယ်။ အထက်ပါအချက်တွေကိုလိုက်နာရင် အင်တာနက်သုံးစွဲချိန် သိသိသာသာမြန်ဆန်လာမှာဖြစ်ပါတယ်။

From: (အခွင့်အလန်းဂျာနယ်မှ ကူးယူဖော်ပြအပ်ပါသည်။)