ဘုန်းကြီးကျောင်းဖြစ်သွားတဲ့ ကန္တာရဝတီဟော်နန်း ဘုန်းကြီးကျောင်းဖြစ်သွားတဲ့ ကန္တာရဝတီဟော်နန်း
‘ကယားပြည်နယ်၊ စောဖျာဒူဌာနရုံးတော်’လို့ ရွှေရောင်ဖောင်းကြွစာလုံးတွေနဲ့ ရေးထိုးထားတဲ့ အခန်းတစ်ခန်းထဲကို ကျွန်တော်ရောက်နေပါတယ်။
ဒီအခန်းက ကယားပြည်နယ်လွိုင်ကော်မြို့ ကန္တာရဝတီဟော်ကြီးရဲ့ အခန်းခန်းအဆောင်ဆောင်ထဲက တစ်ခန်းဖြစ်တယ်။ အခုတော့ ဟော်ကြီးက ဘုန်းတော်ကြီးကျောင်းဖြစ်နေပြီ။ မင်္ဂလာဟော်ကြီး ပရိယတ္တိစာသင်တိုက်ကျောင်းကြီးဖြစ်နေပြီ။
အခန်းတံခါးမကြီးက စကားဝါရောင်ခန်းဆီးစကို လေနုအေးက တိုးဝှေ့လို့ လှုပ်ခတ်နေတယ်။ ကျောင်းထိုင်ဆရာတော် ဦးစန္ဒိမာက ကျွန်တော့်ကို လိုက်လံပြသတယ်။
‘‘စောဖျာဒူဆိုတာ စော်ဘွားကြီးလို့အဓိပ္ပာယ်ရှိတယ်။ စော်ဘွားကြီးရဲ့ရုံးတော်ပေါ့’’လို့ ဆရာတော်က ရှင်းပြတယ်။
ရုံးခန်းက ကျွန်းပျဉ်ခင်း၊ ကျွန်းပျဉ်ကာပါ။ ပြတင်းပေါက်က မှန်လည်ပြတင်း။ နံရံပေါ်က ကျည်ဆန်ရာအပေါက်တွေ ဗရပွကို ဆရာတော်ကပြတယ်။ ‘‘ကျည်ဆန်ရာ တွေရစရာမရှိဘူး။ အင်္ဂလိပ်ခေတ်က စောဖျာက အင်္ဂလိပ်ရဲ့သြဇာကိုမခံလို့ ပစ်ခတ်ထားတာ’’ ဆိုပြီးပြောတယ်။ နံရံအပြင်ဘက် မျက်နှာစာက ပျဉ်ချပ်တွေမှာ ရာသီဥတုတိုက်စားမှုကြောင့် အစင်းအကြောင်းထင်နေတာကို ဆရာတော်က ညွှန်ပြတယ်။ မိုးစားထားတာလို့ပြောတယ်။ ဟော်နန်းကြီးရဲ့ သက်တမ်းက နှစ်ပေါင်း ၁၀၀ ကျော်ပြီ။ မိုးများတဲ့ဒေသမို့ နံရံပျဉ်ချပ်တွေအပြင်ဘက်ပိုင်းမှာ မိုးစားထားတာဖြစ်ပါတယ်။
ကယားပြည်နယ်ကို ရှေးက စောဖျာတွေက အုပ်ချုပ်ပါတယ်။ ဖခင်စောဖျာကွယ်လွန်ရင် အကြီးဆုံးသားက စောဖျာရာထူးကို ဆက်ခံရတယ်။ တကယ်လို့ စောဖျာနွယ်ဝင်သားကြီးက စောဖျာအရည်အချင်းနဲ့မပြည့်စုံဘဲ ပြည်သူလူထုကို
နှိပ်စက်ကလူပြုလို့ ပြည်သူလူထုက မခံမရပ်နိုင်ဖြစ်ရင် သူ့ကိုဖြုတ်ချပြီး အရည်အချင်းပြည့်သူကို စောဖျာအဖြစ် တင်မြှောက်လေ့ရှိသည်။
စောဖျာလက်အောက်မှာ အမတ်ချုပ်နဲ့ အမတ်ထောက်နှစ်ဦးကိုထားရှိပြီး အမတ်ချုပ်က စောဖျာရဲ့ အတိုင်ပင်ခံပုဂ္ဂိုလ် ဖြစ်ပါတယ်။ တိုက်နယ်အလိုက် မြို့အုပ်တွေထပ်မံခန့်အပ်ပြီး အုပ်ချုပ်ရေး၊ တရားစီရင်ရေး၊ အခွန်တော်ကိစ္စတွေကို စီမံဆောင်ရွက်ကြတယ်။ မြို့အုပ်ရဲ့လက်အောက်မှာ ဟိန် (တိုက်သူကြီး)ရှိကာ ကျေးရွာအုပ်စုကို ဟိန်ကအုပ်ချုပ်ပါတယ်။ ဟိန်က ရွာအလိုက်သူကြီးများခန့်ထားကာ သူကြီးများအောက်မှာ ဆယ်အိမ်ခေါင်းတွေရှိပြီး အဆင့်ဆင့် အုပ်ချုပ်ခဲ့ကြတယ်။
ရှေးအခါက ကယားပြည်နယ်ကို ငါးနယ်ခွဲပြီး စောဖျာတွေအုပ်ချုပ်ပေမယ့် နောက်ပိုင်းမှာ ဘောလခဲ၊ ကန္တာရဝတီ၊ ကြယ်ဖိုးကြီးဆိုပြီး သုံးနယ်ခွဲကာအုပ်ချုပ်ပါတယ်။ ဘောလခဲနယ်ကို ဘောလခဲမြို့၊ ကန္တာရဝတီနယ်ကို လွိုင်ကော်မြို့၊ ကြယ်ဖိုးကြီးနယ်ကို ဖရူးဆိုးမြို့တို့ မှာ ရုံးစိုက်ထားကြပါတယ်။ ဗြိတိသျှအစိုးရလက်ထက်မှာ ကယားပြည်နယ်ကို ပြည်မက သီးသန့်ခွဲပြီး စောဖျာတွေကို ဝန်ထောက်တွေနဲ့တွဲကာ အုပ်ချုပ်စေခဲ့ပါတယ်။ စောဖျာနဲ့ ဝန်ထောက်တို့ ညှိနှိုင်းကာ မြို့အုပ်တွေ ခန့်ထားခဲ့ကြတယ်။
ကန္တာရဝတီဟော်နန်းအတွင်း လာရောက်လေ့လာနေသော ဧည့်သည်များ။ (ဓာတ်ပုံ − ကျော်ရင်မြင့်)
စောဖျာတွေမှာ အခွင့်ထူးတွေရပြီး သြဇာအာဏာကြီးမားကြတယ်။ ၁၉၅၉ မှာ စော်ဘွားတွေ၊ စောဖျာတွေ အာဏာစွန့်ကြရချိန်ကစတင်ပြီး အုပ်ချုပ်ရေးပုံစံက ပြောင်းလဲသွားပါတယ်။
ကျောင်းထိုင်ဆရာတော် ဦးစန္ဒိမာက စောဖျာကြီးရဲ့ ရုံးခန်းကို ပြသပြီးနောက် ရုံးခန်းအပြင်ဘက်က နံရံမှာ ချိတ်ထားတဲ့ မှတ်တမ်းဓာတ်ပုံတွေကို ဆက်ပြီးပြောတယ်။ ဓာတ်ပုံတွေက ရှေးက ဓာတ်ပုံတွေပါ။ ဓာတ်ပုံပေါ်မှာ ဓာတ်ပုံရှင်ဟာ ဘယ်သူဘယ်ဝါဆို ပြီးရေးထားတဲ့ စက္ကူတွေက ဝါညစ်စုတ်ပြဲနေပါပြီ။ ဓာတ်ပုံတွေကိုပြရင်း ဆရာတော်က သမိုင်းကြောင်းကိုလည်း ရှင်းပြတယ်။
မင်းတုန်းမင်းကြီးက စဝ်လဖော်ကို ‘ပဗ္ဗတ သီဟရာဇာ’ ဘွဲ့တံဆိပ်နဲ့အတူ ကရင်နီနယ်မြောက်ပိုင်းက ‘ကန္တာရဝတီမြို့ဝ်’ ကို ချီးမြှောက်ပေးအပ်ပါတယ်။ အရှင်နှစ်ပါးပါတော်မူပြီးနောက် စဝ်လဖော်က ဗြိတိသျှများကို အညံ့မခံဘဲ တုံ့ပြန်တိုက်ခိုက်ခဲ့တယ်လို့ ဆရာတော်ကပြောပြတယ်။
ဘီလူးချောင်း အနောက်ဘက်မှာ သီးသီးခြားခြား တည်ရှိနေတဲ့ တောင်တစ်လုံးရှိပါတယ်။ ဒီတောင်ကို ရှမ်းဘာသာစကားနဲ့ ‘လွိုင်ခေါ် = သီးခြားသန့်သန့်တည်ရှိနေတဲ့တောင်’ ဆိုပြီး ခေါ်ကြတယ်။ ဒီတောင်ကိုအစွဲပြုကာ တောင်ရှိတဲ့မြို့ကိုလည်း ‘လွိုင်ခေါ်’လို့ ခေါ်ရာက ရွေ့လျှောလာပြီး လွိုင်ကော်ခေါ်တယ်လို့ ဆိုပါတယ်။
စောဖျာကြီး စဝ်လဖော်မှာ သားတော်သုံးပါးရှိပြီး လွိုင်ကော်မြို့ကို ခရစ်နှစ် ၁၉၁၁ မှာ စောဖျာစဝ်ခွန်လီ အုပ်ချုပ်တယ်။ စဝ်ခွန်လီက ၁၉၁၂ ကစပြီး လေးနှစ်ကြာ မင်္ဂလာဟော်နန်းကြီးကို လွိုင်ကော်မြို့မှာ ဆောက်လုပ်တယ်။ ၁၉၁၉ မှာ ဟော်တက်မင်္ဂလာကို ဆင်နွှဲပါတယ်။
၁၉၃၀ မှာတော့ စောဖျာစဝ်ခွန်လီ ကွယ်လွန်တယ်။ ဆက်ခံရမယ့် သားတော်ကြီး စဝ်လဝီက အရွယ်မရောက်သေးတာကြောင့် ဦးလေးတော်စဝ်ရွှေဟုန်က ရင်ခွင်ပိုက်အုပ်ချုပ်ပါတယ်။ ၁၉၄၈ မှာ စဝ်လဝီအရွယ်ရောက်လို့ စောဖျာအဖြစ် ဆက်ခံတယ်။ စော်ဘွား၊ စောဖျာများ အာဏာစွန့်လွှတ်ရပြီးနောက်မှာ အစိုးရက စောဖျာပိုင်ဆိုင်တဲ့ မြေယာအဆောက်
အအုံတွေကို ဆက်ခံပိုင်ဆိုင်ခွင့်ပြုကြောင်း ၁၉၆၁ မှာ စာချုပ်ချုပ်ဆိုတယ်။ ဒီလို စောဖျာပိုင်ဆိုင်ခွင့်ရှိတာတွေထဲမှာ
စောဖျာစဝ်လဝီ နေထိုင်ရာ မင်္ဂလာဟော်လည်းပါတယ်။
မင်္ဂလာဟော်နန်းမှာ စောဖျာစဝ်လဝီက ဆက်လက်စံစားရင်း ၁၉၈၇ မှာ ကွယ်လွန်ပါတယ်။ သားတော်စဝ်လဖော်နဲ့ သမီးတော် စဝ်ခေမာဝတီ မောင်နှမက မင်္ဂလာဟော်နန်းကို ဆက်ခံတယ်။ သူတို့ မောင်နှမဆက်ခံနေထိုင်တဲ့ ဟော်နန်းကို ၁၉၉၄ ဧပြီလ ၁၇ ရက် မြန်မာနှစ်သစ်ကူး နှစ်ဆန်း ၁ ရက် မှာ ရှေးဟောင်းအမွေအနှစ် ထိန်းသိမ်းဖို့၊ သာသနာတော်ထွန်းကားဖို့ ရည်ရွယ်ချက်နဲ့ ဘုန်းကြီးကျောင်းအဖြစ် လှူဒါန်းလိုက်တယ်။ ဆရာတော် ဘဒ္ဒန္တစန္ဒိမာ (သဒ္ဓမ္မဇောတိ ကဓဇ)က စတင်သီတင်းသုံးတော်မူပါတယ်။
ဟော်က လှေကားသုံးစင်းရှိတယ်။ အလယ်လှေကားမကြီးက စောဖျာကြီး၊ စောဖျာရဲ့မဟာဒေဝီ နဲ့ မိသားစုများက အသုံးပြုပြီး တခြားလှေကားနှစ်စင်းကိုတော့ အမှုထမ်းများ၊ ပြည်သူပြည်သားများက အသုံးပြုရတယ်။ စဝ်လဖော်၊ စဝ်ခေမာဝတီတို့ မောင်နှမက မင်္ဂလာလှေကားကြီးကို လက်ရန်းလက်ကိုင်ပွတ်လုံးတိုင်များနဲ့ ခိုင်ခံ့တင့်တယ်အောင် ထပ်မံမွမ်းမံပြီး ၁၉၉၄ ဒီဇင်ဘာ ၇ ရက်မှာ ရေစက်ချလှူဒါန်းခဲ့ပါတယ်။
စောဖျာကြီးရုံးဌာန နံရံချိတ်ဆွဲထားတဲ့ ဓာတ်ပုံတွေကိုပြသရင်း သမိုင်းကြောင်းကို ပြောပြပြီးနောက်ဆရာတော်က
ကျောင်းပေါ်ကို လှည့်လည်ပြသပါတယ်။
ဟော်ရဲ့ နောက်ပိုင်းမှာ လသာဆောင်ရှိတယ်။ အခုတော့ ဟင်းလင်းဖွင့် လသာဆောင်ကို အမိုးအကာတွေ လုပ်ထားပြီး ခန်းမဆောင်ကြီးဖြစ်အောင် ဖန်တီးထားတယ်။ အလှူအတန်း ဘာသာရေး အခမ်းအနားတွေ လုပ်တဲ့နေရာ ဖြစ်သွားပါပြီ။ စောဖျာအသုံးပြုခဲ့တဲ့ ရွှေပိန်းချကုလားထိုင်၊ စောဖျာ ဆင်စီးရာမှာသုံးတဲ့ ကနဲ့ဝေါတော် တို့ကိုလည်း ဘုန်းကြီးကျောင်းပေါ် မှာ ထိန်းသိမ်းပြသထားတယ်။ စော်ဘွားရဲ့ အိပ်ခန်းဆောင်ကိုတော့ ယခုအခါ ဘုရားခန်းအဖြစ် ပြုလုပ်ထားတယ်။
အိပ်ခန်းဆောင်ရှေ့က စော်ဘွားညီလာခံရာနေရာမှာ ဆရာတော်က ဧည့်ပရိသတ်ကို တွေ့ဆုံအပူဇော်ခံရာအဖြစ် ဖန်တီးထားတယ်။
ဆရာတော်ဦးစန္ဒိမာက မင်္ဂလာဟော်နန်းကို အမှီပြုပြီး ရပ်ကွက်ကို မင်္ဂလာရပ်ကွက်အမည်ပေးပုံ၊ မင်္ဂလာလှေကားနဲ့ တည့်တည့်လမ်းကို မင်္ဂလာလမ်းလို့ အမည်ပေးထားပုံတွေကို ရှင်းပြပါတယ်။ ဘုန်းတော်ကြီးကျောင်းဖြစ်ပြီးနောက်ပိုင်းမှာ ဝါဆိုပွဲ၊ သီတင်းကျွတ် ဝါကျွတ်ပွဲ၊ တန်ဆောင်မုန်းကထိန်ပွဲ၊ တန်ခူးနှစ်သစ်ကူးပွဲစတာတွေ အစဉ်အမြဲလုပ်နေတာမို့ စည်ပင်တယ်။ ဟော်နန်းရဲ့ပုံစံငယ်ကို ကယားယဉ်ကျေးမှုပြတိုက်မှာ တစ်သီးတသန့် ပြသထားတယ်။ ဟော်နန်းဟောင်းအဖြစ် ဘုန်းတော်ကြီးကျောင်းကို လာ ကြည့်သူတွေများတယ်။ တစ်ရက်ကို နိုင်ငံခြားသားဧည့်သည် နှစ်ဖွဲ့၊ သုံးဖွဲ့လာလေ့ရှိတယ်လို့ ဆိုပါ တယ်။
မင်္ဂလာဟော်နန်းကို ၁၉၁၂ က စတင်တည်ဆောက်ခဲ့တာမို့ ၂၀၁၂ က နှစ် (၁၀၀)ပြည့် အထိမ်းအမှတ်ပွဲ ပြုလုပ်ပါတယ်။ အခုတော့ သက်တမ်းက နှစ် (၁၀၀) ကျော်ပါပြီ။
စောဖျာကြီးစံရာ ဟော်နန်း ဖြစ်တာမို့ အဆောက်အအုံကကြီးမားပြီး အခန်းခန်းအဆောင်ဆောင်နဲ့ ခမ်းနားပါတယ်။ ဝင်းကလည်းကျယ်ဝန်းတယ်။ ရှေးဟောင်းအမွေအနှစ်ဖြစ်လို့ တန်ဖိုးမဖြတ်နိုင်အောင် တန်ဖိုးကြီးမားပါတယ်။
ဒါပေမဲ့ စဝ်လဖော်၊ စဝ်ခေမာဝတီတို့ မောင်နှမက သာသနာတော်ကို လှူဒါန်းတာက ကြီးမားတဲ့စွန့်လွှတ်မှုဖြစ်ပါတယ်။ ဆက်ခံထိန်းသိမ်းတဲ့ ဆရာတော်ဦးစန္ဒိမာကလည်း စာတတ်ပေတတ် အသိအမြင်ကျယ်တဲ့သူဖြစ်တာကြောင့် ယဉ်ကျေးမှုအမွေအနှစ်ကို တည် တံ့အောင် ထိန်းသိမ်းပေးတယ်။ ယဉ်ကျေးမှုကို အလေးထားလေးစားသူတွေ လာရောက်လေ့လာတာကိုလည်း တံခါးမရှိ အတားမရှိ ခွင့်ပြုပေးထားတာဖြစ်လို့ အားလုံးအတွက် အကျိုးများပါတယ်။
7daynews
No comments