ပစ်စလက်ခတ် ရတနာမြေ
ထိုဒေသထွက် ကုန် ပစ္စည်းသည် ကမ္ဘာ့ဈေးကွက်တွင် တန်ဖိုးကြီးစာရင်းဝင်သည်။ တိုင်းပြည် ၀င်ငွေအများအပြားရစေသည်။ မြန်မာပြည်ဒေသအနှံ့မှ ပြည်သူ ထောင်ပေါင်းများစွာ အလုပ်ပေး ထားနိုင်သည်။ လူဦးရေ သိန်းချီ အခြေချနေထိုင်ပြီး နံနက်လင်းချိန် မှသည် ညမိုးချုပ်သည်အထိ ပျား ပန်းခတ်လှုပ်ရှားနေကြသည်။ ပတ် ၀န်းကျင်ဒေသများသို့ ဖြန့်ခွဲသွား လာနိုင်သည့် လမ်းများ အရပ်လေးမျက်နှာဖောက်လုပ်ထားသည်။
သို့သော်မြို့တစ်မြို့၏ အင်္ဂါ ရပ်လားလားမျှမရှိဘဲ အိမ်ထောင် ဦးစီးက မျက်ကွယ်ပြုထား၍ စောင့်ရှောက်သူမဲ့နေသော အိမ်ပျက် တစ်လုံးသဖွယ်။ ဆိုင်ကယ်များ၊ ကားများလွန်းထိုးသွားလာနေကြ သော်လည်း တစ်မြို့လုံး မည်သည့်နေရာမှ မီးပွိုင့်မရှိ။ မြို့လေးအများစုတွင် တွေ့ရသော ကတ္တရာလမ်းပင်မရှိ။ မိုးရွာပါက နေအိမ်များ ရေနစ်မြုပ်သလို မိုးမရွာပါကလည်း ၂၄ နာရီ ဖုန်တထောင်း ထောင်းနှင့် အသက်ရှူကျပ်နေ သည့် ဒေသဖြစ်ပါသည်။
ထိုမြို့သည် ကမ္ဘာကျော် ကျောက်စိမ်းမြေ ဖားကန့်မြို့ဖြစ် ပါသည်။ ကျောက်စိမ်းရတနာကို ၀တ်ဆင်ထားသူအတွက် လုံခြုံမှု၊ ခမ်းနားထည်ဝါမှုဂုဏ်ဒြပ်များရှိ သည်ဟု ယုံကြည်ကြသည်။ သို့ သော် ကမ္ဘာ့အဆင့်အရည်အသွေး ပြည့်မီသော ကျောက်စိမ်းများ ထွက်ရာ ဖားကန့်ဒေသမှာတော့ လုံခြုံမှု၊ ခမ်းနားထည်ဝါမှုတို့ အ လျဉ်းမရှိ။ အစိုးရနှင့် စီးပွားရေး သမားအကျိုးတူဟူသော ခေါင်း စဉ်ဖြင့် ဖားကန့်ဝမ်းကြာတိုက်မှ သားမြတ်ရတနာကျောက်စိမ်း များကိုသာ ထုတ်ယူသွားကြသော် လည်း ဒေသအကျိုးကို မျက်ကွယ် ပြုခဲ့ကြသည်ဟု ဖားကန့်မြို့ခံများ က ပြောကြသည်။
‘‘ဒီဒေသကထွက်တဲ့ ကျောက်စိမ်းကရတဲ့ဝင်ငွေကို အချိုးချပြီး တော့မှ ဒေသဖွံ့ဖြိုးရေးအတွက် ခံစားခွင့်ပေးတယ်ဆိုရင် မြို့က ရွှေရောင်တောက်နေပြီ။ ဒီကိုပြန် ပြီး ပံ့ပိုးဖို့ နယ်မြေဖွံ့ဖြိုးတိုးတက် ဖို့ လုပ်မယ်ဆိုတဲ့ စိတ်ကူး သူတို့မှာမရှိတာ။ ရသမျှကို အကုန်အိတ်ထဲထည့်တာကိုး’’ဟု ဖားကန့်မြို့မိမြို့ ဖ ဦးခင်မောင်ချိုက ဒေါသသံစွက် သော လေယူလေသိမ်းဖြင့် ပြော သည်။
တန်ဖိုးကြီးကျောက်စိမ်းအ လျှံပယ်ထွက်သည့် ဖားကန့်ဒေသတွင် အင်တာနက်လိုင်းများ မ ကောင်းပါ။ ဖုန်းဆက်သွယ်ရေး အဆင်မပြေ။ အစိုးရက ပေးသော လျှပ်စစ်မီးမရသေးဘဲ ပုဂ္ဂလိက ကုမ္ပဏီတစ်ခုက တစ်ယူနစ် ၈၀၀ ကျပ်ဖြင့်ပေးသော လျှပ်စစ်မီးကို သာ ဒေသခံများအသုံးပြုနေရ သည်။ ကိုယ်ကျိုးစီးပွားဦးစားပေး သည့် စီမံခန့်ခွဲမှုများအောက်တွင် ကမ္ဘာကျော် ကျောက်စိမ်းမြေ သည် ဖွံ့ဖြိုးတိုးတက်မှုမရှိဘဲ ခေတ်နောက်ကျကျန်နေခြင်းကို ဖားကန့်ဒေသ ပတ်ချာလည် ကျောက်စိမ်းမှော်မြင်ကွင်းများက သက်သေအဖြစ်ရှိနေပါသည်။
မှော်ဆိုသည့်အတိုင်း နေ့မြင်ညပျောက်လမ်းများအစီအစဉ်မ ကျဖောက်လုပ်ထားသည့် မြေကြီး လမ်းများပေါ်တွင် ဧရာမမြေသယ်ကားကြီးများက မြေစာများတင် ဆောင်ကာ လွန်းထိုးမောင်းနှင်နေ သည်။ နေပူပူ၊ ဖုန်ထူထူတွင် တောင်ကမ်းပါးယံများကို စက်ယန္တရားကြီးများက ကုတ်ဖဲ့ကာ မြေသယ်ကားကြီးများ တင်ဆောင်နေသည်။ ကုမ္ပဏီများက ၀န်ထမ်းများကိုသာ အလှည့်ကျအနားပေးပြီး စက်ယန္တရားများကို အနားမပေးပါ။ ဖားကန့်ဒေသတွင် ၂၄ နာရီပတ်လုံးကြားနေရသည့် အသံက စက်ယန္တရားကြီးများဆီမှ ထွက်ပေါ်နေသည့် ငယ်သံပါနေသောအင်ဂျင်သံများပင်။
‘‘ဘယ်လောက်တောင် တူး နေကြလဲဆိုရင် ဖားကန့်မှာ မွေး ကတည်းက ရှိနေတဲ့သူတောင် မှော်တွေ ဘက်ဆယ်ရက်လောက် မရောက်ဖြစ်တာနဲ့ မျက်စိလည် သွားမယ်။ စွန့်ပစ်မြေစာတွေကို လမ်းဖို့ပြီး တောင်တွေကို ဖြိုနေ တာ။ အရင်လမ်းတွေက ရွာဖြစ်၊ ရွာတွေက မြေစာပုံအဟောင်း တွေပေါ်တည်။ ဖြစ်ချင်တိုင်းဖြစ် ပဲ။ မြင်မကောင်းဘူး’’ဟု ဖားကန့် မြို့ မရှီကထောင်ရပ်ကွက်တွင် နေထိုင်သူ ကိုလှထွေးက ပြော သည်။
လသားအရွယ်ကလေးငယ် ကို ခေါ်လာကာ ကျောက်စိမ်း ကုမ္ပဏီဝန်ထမ်းအမျိုးသားနောက်လိုက်လာခဲ့သည့် သားသည် အမေတစ်ဦးက ဖားကန့်ဒေသသို့ ရောက်နေသည်မှာ ၁၀ ရက်ရှိပြီဖြစ်ပြီး ကြားနေကျမဟုတ်သည့် စက်ယန္တရားကြီးများ၏ အသံကြောင့် ကလေးမှာ ထိတ်လန့်နေသည်ဟု ပြောသည်။
ဖားကန့် ရတနာမြေတွင် တရားဝင်စာရင်းများအရ တန် ၃၀မှ တန် ၁၀၀ ကြား ဘက်ဟိုး ၁,၈၇၂ စီး၊ မြေသယ်ကားကြီးအစီးရေ ၃,၃၂၇ စီးဖြင့် ကျောက်စိမ်းတူး ဖော်ရေးလုပ်ဆောင်နေကြောင်း သတ္ထုတွင်းဝန်ကြီးဌာန ဒုဝန်ကြီး ဦးသန်းထွန်းအောင်က လွှတ် တော်သို့ ရှင်းလင်းပြခဲ့သည်။ သို့ သော် ယင်းကိန်းဂဏန်းများသည် စာရွက်ပေါ်တွင် မြင်ရသည့် စက် ယန္တရား အရေအတွက်သာဖြစ် သည်။ လုပ်ပိုင်ခွင့်ထဲမှ နေ၍ မသမာမှုပြုခဲ့သူ အစိုးရအဖွဲ့ဝင်ဇာတ်လိုက်များက စက်ယန္တရားများမည်မျှတင်သွင်းခွင့်ပေးခဲ့သည်ဆိုသည်ကို အတိအကျမသိနိုင်သေးပါ။ ၀န်ခံသူက ၀န်ခံနေသလို ကုမ္ပဏီတာဝန်ရှိသူအချို့ တိမ်းရှောင်နေသည်ဟုပင် ဒေသတွင်းသတင်းများထွက်ပေါ်နေသည်။ မြေစာပုံပြိုကျမှုကြောင့် အရေအတွက်ခန့်မှန်းနိုင်ရန်ပင် ခက်ခဲသည့် လူသေဆုံးမှုများ ဖုံးမရ၊ ဖိမရ အခြေအနေရောက်မှသာ ဖားကန့်အရေး ဆွေးနွေးကြခြင်း ဖြစ်သည်။
ပတ်ဝန်းကျင်မြို့ရွာများနှင့် ဆက်သွယ်ရေးခက်ခဲကာ အလုံ ပိတ်ဒေသတစ်ခုကဲ့သို့ ဖြစ်ချင် တိုင်းဖြစ်နေခဲ့သည့် ဖားကန့်ဒေသ တွင်း ပြဿနာများကို ဖြေရှင်းရန် ဟု ဆိုကာ ဒုဝန်ကြီး ဦးသန်းထွန်း အောင်က လွှတ်တော်သို့ တင်ပြ ချက်မှာလည်း ဒေသတွင်းအခြေ အနေများကို လုံးဝမလေ့လာဘဲ ပြောခဲ့သည့် ရယ်ရွှင်ဖွယ်ဟာသ တစ်ခုလိုဖြစ်နေကြောင်း ဒေသခံ များက ဝေဖန်ကြသည်။ ဦးသန်း ထွန်းအောင်က ဖားကန့်ဒေသတွင်ကျောက်စိမ်းထုတ်လုပ်မှု လုံးဝ ပိတ်သိမ်းခြင်း၊ စစ်အုပ်ချုပ်ရေး ထုတ်ပြန်ခြင်းနှင့် ပုဒ်မ ၁၄၄ ထုတ်ပြန်ခြင်းတို့ကို ပြုလုပ်ရန် လွှတ် တော်သို့ တင်ပြခဲ့ခြင်း ဖြစ်သည်။
ယင်းတင်ပြချက်ကို လွှတ် တော်က ချက်ချင်းပယ်ချခဲ့သည်။ တင်ပြချက်အကြောင်းအရာများ သည် ပြည်တွင်းငြိမ်းချမ်းရေးကို ထိခိုက်စေသလို ဒေသခံများအပါ အ၀င် ပြည်တွင်းရွှေ့ပြောင်းအ လုပ်သမားများ စားဝတ်နေရေး ထိခိုက်စေသည်ဟု ပြည်ထောင်စု လွှတ်တော်နာယက သူရဦးရွှေ မန်းက သမ္မတ ဦးသိန်းစိန်ထံ သ၀ဏ်လွှာပေးပို့ခဲ့သည်။ ဖား ကန့်ဒေသတွင် ရေမဆေးဟု အ လွယ်ခေါ်ကြသည့် ပြည်တွင်းရွှေ့ ပြောင်းအလုပ်သမားများအရေ အတွက် သိန်းချီ၍ ရှိနေသည်။ ဦး သန်းထွန်းအောင်၏ လွှတ်တော် သို့ တင်ပြချက်များကို ကြားသိခဲ့ သည့် ဖားကန့်မြို့ခံများ၊ ကျောက် စိမ်းရောင်းဝယ်ရေးသမားများက လက်မခံနိုင်ဘဲ အစိုးရသည် ပြည်သူလူထု၏ သဘောဆန္ဒကိုသာ နားထောင်သင့်ပြီး ဒေသတွင်း ကျောက်မျက်ထုတ်လုပ်ရေးတွင် မသမာပြုသူအစိုးရ၀န်ထမ်းများ နှင့် ကုမ္ပဏီများကိုသာ အာရုံစိုက်စစ်ဆေးသင့်ကြောင်း ပြောကြ သည်။
ဖားကန့်ဒေသသို့ တရားမ၀င်စက်ယန္တရားများ ရောက်ရှိနေ သောကြောင့် အစိုးရအဖွဲ့တာဝန် ရှိသူများကို စုံစမ်းစစ်ဆေးရေးဝင် နေချိန် ယင်းအဆိုတင်ခဲ့ခြင်းက ကျောက်မျက်ထုတ်လုပ်ရေးနှင့် ပတ်သက်၍ တာဝန်အရှိဆုံးသတ္တု တွင်းဝန်ကြီးဌာနကို သံသယ၀င် စေခဲ့သည်။ ပွင့်လင်းမြင်သာမှုမရှိ သည့် တည်ဆဲအစိုးရက လက်ရှိ ဖားကန့်ပြဿနာအရေးယူမှုအ ဆင့်ဆင့်တွင်လည်း ရေငုံနှုတ်ပိတ် နေဆဲဖြစ်သည်။ ပြည်နယ်အဆင့် ၀န်ကြီးအချို့၊ ဌာနဆိုင်ရာညွှန်ကြားရေးမှူးအချို့တို့ကို ရာထူးမှအနားပေးခြင်း နေရာရွှေ့ပြောင်းခြင်းများပြုလုပ်နေသော်လည်း တိကျသော သတင်းထုတ်ပြန်မှုမလုပ်သေးပေ။ ဖားကန့်ရတနာမြေကို နည်းမျိုးစုံဖြင့် ကုပ်သွေးစုပ်ခဲ့သူများ၏ နောက်ပိုင်းဇာတ်လမ်းက ထုံးစံအတိုင်း ပွင့်လင်းမြင်သာမှုမရှိပေ။
ဖားကန့်ဒေသထွက် ကျောက်စိမ်းများကို အဓိကကြီးကြပ်ရန် သတ္တုတွင်းဝန်ကြီးဌာနက လုံးခင်းကျေးရွာအုပ်စုတွင် တည်ဆောက် ထားသော မြန်မာ့ကျောက်မျက် ရတနာရောင်းဝယ်ရေးလုပ်ငန်း ကျောက်စိမ်းတူးဖော်ရေးဌာန၏ ဆောင်ပုဒ်ကလည်း ဒေသခံများ ကို ခံရခက်စေခဲ့သည်။
ဆောင်ပုဒ်မှာ မြေလွှာကိုဖွင့်၊ ပြည်ကိုမြှင့်အံ့ဟူ၍။ ဆိုင်ကယ် ကယ်ရီမောင်းခြင်းဖြင့် အသက်မွေးသည့် အသက် (၂၁) နှစ်အရွယ် ဖားကန့်မြို့ဒေသခံ ကိုမိုးသူက ‘‘ဘယ်ပြည်ကိုမြှင့်မှာလဲ။ တရုတ်ပြည်ကို မြှင့်မှာလား’’ဟု ဆိုလေသည်။
ယခုနှစ်သစ်တွင်တော့ ထို ဆောင်ပုဒ်နေရာတွင် ကျောက် မျက်တူးဖော်ရေးဌာနဟု ပြောင်း လဲရေးသားထားပါသည်။ မြေလွှာကို ဖွင့်ပြီးပြီလားဆိုသည်ကိုတော့ အစိုးရနှင့် ကျောက်စိမ်းကုမ္ပဏီ များကသာ တပ်အပ်သိနိုင်ပါလိမ့် မည်။
‘‘ကုမ္ပဏီတစ်ချို့က သိပ် ကောင်းတဲ့ ကျောက်တွေကို နိုင်ငံ ကို အပ်တာမှ မဟုတ်တာ။ ခိုး ၀ှက်ပြီး အောက်လမ်းကနေ ပြည် ပကို ပို့တာလေ။ မှတ်ပုံတင်တယ်ဆိုတာ ကျောက်စုတ်ကျောက်ပဲ့ တွေတင်တာ’’ဟု ကျောက်စိမ်းကုမ္ပဏီတစ်ခုတွင် ၀န်ထမ်းအဖြစ် ၂ နှစ်ခန့်ကျင်လည်ဖူးခဲ့သူ ဖားကန့်မြို့ရောက် ပျဉ်းမနားဒေသခံတစ်ဦးက သတ္တုတွင်းဝန်ကြီးဌာနနှင့် ကျောက်စိမ်းကုမ္ပဏီများကြားမှ မသမာမှုအချို့ကို ဖောက်သည်ချ သည်။ ကျောက်မျက်တူးဖော်ရေး ကဏ္ဍတွင် ကျင့်သုံးနေဆဲ နိုင်ငံ တော်နှင့် အကျိုးတူစနစ် ခေါင်း စဉ်အောက်တွင် ကုမ္ပဏီများက တူးဖော်ထားသည့် ကျောက်စိမ်း များအား စိစစ်ကြီးကြပ်ရန် ကုမ္ပဏီတစ်ခုချင်းစီသို့ သတ္တုတွင်းဝန်ကြီးဌာနက ကြီးကြပ်အဖြစ် ၀န်ထမ်းတစ်ဦးစေလွှတ်ထားသည်။ ကုမ္ပဏီကြီးကြပ်သူ နာမည်ခံထိုဝန်ထမ်းသည် ကုမ္ပဏီပိုင်ရှင်များ မြှူဆွယ်ရာ နောက်တကောက်ကောက်လိုက်သွားသောအခါ ဖားကန့်ရတနာမြေမှ ကျောက်စိမ်းများသည်လည်း မှောင်ခိုလမ်းကြောင်းမှတစ်ဆင့် ပြည်ပသို့ ရောက်သွားလေသည်။
‘‘ကျောက်ကောင်းရတယ်ဆိုရင်လည်း နေပြည်တော်ရောက် တယ်ဆိုတာ မရှိဘူး။ တရုတ်ပြည် ရောက်တာပဲ။ ကုမ္ပဏီမှာရှိတဲ့ ကြီးကြပ်ကို မိန်းမကြိုက်ရင် မိန်းမ၊ ရွှေကြိုက်ရင် ရွှေ၊ ငွေကြိုက်ရင်ငွေပေးတယ်။ ကျောက်ဂိုဒေါင် သော့တောင် ကုမ္ပဏီကို အပ်လိုက်တာ။ အစိုးရက လွှတ်ထားတဲ့ ကြီးကြပ်တွေက ဒီမှာရှိတဲ့ ကျောက် တစ်လုံးက သောင်းအထက်တန် မှန်းလဲ မသိဘူး။ ထောင်အထက်တန်မှန်းလဲ မသိဘူး’’ဟုပြောသည်။
တည်ဆဲအစိုးရလက်ကျန် သက်တမ်းအတွင်း ကျောက်စိမ်း တူးဖော်မှုများ အရှိန်မြှင့်လုပ် ဆောင်နေကြောင်း သတင်းများ ထွက်ပေါ်ပြီးနောက် ဖားကန့်ဒေသတွင်း အခြေအနေများကို အစိုးရက စုံစမ်းစစ်ဆေးရေးပြု လုပ်နေသည်။ ကျောက်စိမ်းကို အမှီပြုကာအဂတိလိုက်စားသူ အစိုးရအဖွဲ့ဝင်များအား အရေးယူနေသည့်အပေါ်လည်း ပြည်သူလူထုက ကြိုဆိုသလို စိတ်ဝင်တစား စောင့်ကြည့်နေကြပါသည်။ လပိုင်းသာကျန်တော့သည့် ဦးသိန်းစိန်အစိုးရအဖွဲ့၏ ဂုဏ်သိက္ခာသည် ဖားကန့်အရေး မည်သို့ဖြေရှင်းပေးခဲ့မည်လဲဆိုသည့်အပေါ် အတိုင်းအတာတစ်ခုအထိ မူတည်နေပါသည်။
7daynews
No comments